DBCF Meifar
Vol (1), Issue (7) July, 2010
Editor Cafung
Himi DBCF Meifar Cazual thlatin suakmi a siartu nu le pa u le nau nan zate parah lungawinak simcawk lo kan nei ih tuhnak ih a tha vivo theinak dingah thlacamnak in siseh, Cahram ngannak in siseh, in bawm sawn dingah zaang fah kan lo dil.
Himi Meifar ih tum tahmi cu Pathian sunlawinak le DBCF a thanso vivo theinak dingah a si vekin a siartu khalin a thami umsun tete sawn cingkeng tum sehla, cule Calai lam hnatuantu ih a tonmi umsun cu soiselnak lawnglawng hi a si tihi thei thiam sak. sehla, cu tiih theithiam sak-awk lawngah Cazuak hi a tha vivo thei ding a si timi Editor dinhmun in ka lo sawm duh..
In Ser Leh Hram Aw Bawipa
Ka lungawinak le hlimnak pawl
khuiah ti in,
Ka lungawinak le hlimnak pawl
khuiah ti in,
harsatnak le buainak cun
ka thinlung innpi an luah...
ka thinlung innpi an luah...
mithli tla ih ka thlacam lai pawl,
banphar ih
ka lo thangthat lai pawl kha,
ka lo thangthat lai pawl kha,
Atu ahcun rocaar in ka um,
kir daan ding thiam nawnlo in...
Na hnen ihsin ka hlaa.
Asinan Bawipa,
ka thinlung ka lo pe,
ka thinlung ka lo pe,
bungbel thianghlim
hman tlak si ding ah
in tuah hrawm aw!
hman tlak si ding ah
in tuah hrawm aw!
* * *
Bupi thuthan
Combine Meeting:
DBCF combine meeting cu August 20, 2010 (Thur) 11:00 am, Biakinn pi ah kan nei ding. Department tinkim Secretary Report kan nei dingih ruangah kan Department tin ih report ca felfaiten’ ngan in August 15 (Sun) hlan EC Secretary Upa Seteven Ral Kap Tluang hnenah ap theh ding a si. Meeting kimcang ten suak thei kan zum cio ding.
Audit:
DBCF Department zate Paisa Audit nak cu August 9-13, 2010 ah kan nei ding a si.
Nauthar:
Pa Lian Mang le Nu Hrin Nei Thiam te innsang ihsin Pathian thluasuah fapa rilrah “Ram Lian Thang” cu July 25 ni Yamunna Clinic ah an nei. Pathian in thluasuah pe vivo hramseh.
June thlasun bupi sunlut:
1/10 (Rs.99,920/-),Mission (Rs.7,460/-), Thawhlawm (Rs.3,888/-) a siih petu zate parah Pathian in thluasuah pe hram seh.
June thla sung member thar:
Tu thlasung DBCF ih sungtel thar (member) luttu zate mipum 20 an si. Kan lungawi. Pathian in thluasuah pe hngai hram seh.
Mission thutiam:
Mission hrangah thu kan tiammi pawl Pathian ram karhzainaknak hrang ih kan tiam mi a siih neih hmaisabik le remcang hmaisabik ah pe thei kan zuam cio pei. Tiamtu nan zate Pathian in thluasuah pe hram seh.
IOM in Biakin an hmang:
July 5-16, 2010 Zarhhnih sung IOM program in Australia feh ding pawl training peknak ah kan Biakinn an hmang a si. Biakinn san man ngahmi Paisa cu Mission hrangah kan hmang theh a si.
Kan riahsiatpi:
Kan duhdawtzetmi kan U (Stanely Hrin Vung, Kum- 49) in 10 July, 2010 ah siseh, Pu Tha Tin Sum nupi ih Nu (Tuan Nei Thluai - kum - 56) in 30 July, 2010 Ngailan khua ah siseh an tansan a si. DBCF in kan riatsiatpi. Taantak mi sungkhat unau pawl hrangah thlacamsak cio uh si.
-----
Nubu Thuthan
Pulpit Pangpar:
Zarhtin Pulpit pangpar hlu theih ringring. Lungawi thusimnak maw culole Hngilhlonak ti pawl hrangah Nubu President le Secretary hnenah simthan in hlu a theih ringring a si.
Fangthuam le Lawm bawm:
Nubu pawl in fangfai thuam le lungawi bawm kan lo khonmi hi Nubu hrangah siloin Pathian hrangah hmna a si. Ei-in thawn Pathian rawngbawlnak le sum le pai thawn Pathian rawngbawlnak a si vek in thathozet le lungawizet in thawh cio dingah kan lo sawm bet saal a si.
Rawl-Ul Thlacam:
DBCF Nubu pawl ih hohanak in Biakinn pi ah Zarhte Ni ti’n zing 9:00 ihsin thokin Rawl-Ul Thlacam neih ringring a si.
--------
Mino Thuthan
Church Choir:
Church Choir zirnak zarhtin Tlawngkai Nili zaan(Thurs) le Ninga (Fri) zaan naza 8:00 ah a um ringring. Bupi in Rickshaw fare pek ringring a si. Mino pawl zokhal ra pok cio dingin kan lo sawm a si.
Mino pawl tlawng an lut:
DBCF Mino 100 lenglo Baibal Tlawng le Secular Tlawng ah an lut cio ih tluangten an zirmi an thiam ih an thehsuak theinak dingah le an damnak, an tulmi sum le pai tla sambau loten an ngah ringring theinak ding thlacam sak cio uhsi!
Jesuh Lawng Zoh Aw
Kan hmai ih a ummi tlan zuamnak ah taimak suah in tlan uhsi!
Kan zumnak a thoktu le a famkimtertu
Jesuh kha cat loin zoh uhsi!
- Hebru 12:1-2
- Hebru 12:1-2
Mawttaw mawn daan i zirhtu pa in, “Hmai ah feh,” ti’n atu le tu i sim. A sim duhmi cu hmailam dingte’n zoh aw, na kiangkap zoh hlah tinak a si. Keh le vorh zoh phah rero ih mawttaw a mawngtu cu horkuam ah an tla ding. Satan cu fehnak lamzin mi hnaihnok a thiamzet. Jesuh zoh loin amah zoh dingin mi a buumleem. Kan tumtahmi tuahsuak thei lo dingin lam in pialter ih kan thlarau nun tthansonak in dawnkham. Jesuh rori hman sualforh a rak tum dah. Jesuh cu Baptism a laak hnu ah Satan in a hnattuan sawn ttuansuakter dingin a rak tukforh. Satan in Jesuh cu, “Pathian Fapa na si ahcun hih Biakinn tlun ihsin dawp aw," a ti (Luka 4:9-11). Asinan Jesuh in Pathian Fapa a sinak langternak cu inn saangpi par ihsin dawpnak si sawn loin thinglamtah parih pek awknak sawn a si ti a thei. Jesuh in, “Bawipa na Pathian cu va hniksak hlah” (c.12) a ti. Kan hrang ih tumtahnak a neihmi cu thinglamtah hrial a si lo.
Thlaraulam horkuam sungih tla lo dingah Jesuh Khrih kha cat loin zoh aw (Hebru 12:2), Satan ih bumnak thlun hrimhrim hlah.
A zaangfahnak in cahnak huham in pek.
Satan cu hmailam ih kan tumtahnak sungah
um ding a si lo,
kan dunglam sawn ah umter ding a si.
* * *
Chin ram Falam Peng ah Zinghnam a suak saal lala
Chin ram Falam peng, Lumbang, Khualei le Lunghawh ah zinghnam a suak saal lala. Lumbang khua mi pawl ih Lo fing thum an ei theh zo. Lumbang khua kiangkap peng 6 vuakvel Thangpawl Tlang hnuai ah khua 10 an um ih cumi khua pawl khal in zinghnam ruangah harsatnak an tong vivo thei. Tulaifang hi Lo Thlai Rawl klawmlai fang a si. Thlacamnak thawn kan tanpi cio pei uh.
MCC President thar : Daw Yin Yin Maw
May 16, 2010 MCC President hrilnak ah. Nomination comittee in kan Chin mi Rev. Dr. Pa Sang an hril zo. Cumi thu cu Central committee(B/M) ah an rel sal. CC in Daw Yin Yin Maw timi Angligan Sayamah nu an thleng sak. Daw Yin Yin Maw cu General Meeting ah nem hnget dingin an thun lut. Nasazet in an rel khawm ciamco.
A duh lo tu pawl in Rev. Dr. Pa Sang President ttuan dingin thu an bur sal. Secret balot , a thupte ih me pek in hrilnak an tuah ih, Daw Yin Yin Maw in a neh. Lamdangzet in tukum ah Nu in MCC hruaitu President a ttuan thlang tariai. Kan san a thleng aw nasa tinak a si. MCC commettee pawl:
May 16, 2010 MCC President hrilnak ah. Nomination comittee in kan Chin mi Rev. Dr. Pa Sang an hril zo. Cumi thu cu Central committee(B/M) ah an rel sal. CC in Daw Yin Yin Maw timi Angligan Sayamah nu an thleng sak. Daw Yin Yin Maw cu General Meeting ah nem hnget dingin an thun lut. Nasazet in an rel khawm ciamco.
A duh lo tu pawl in Rev. Dr. Pa Sang President ttuan dingin thu an bur sal. Secret balot , a thupte ih me pek in hrilnak an tuah ih, Daw Yin Yin Maw in a neh. Lamdangzet in tukum ah Nu in MCC hruaitu President a ttuan thlang tariai. Kan san a thleng aw nasa tinak a si. MCC commettee pawl:
* Daw Yin Yin Maw, President, Angligan,
* Rev. Dr. Pa Sang Vice President (IPCM).
* Rev. Dr. Zaw Win..(MBC)
* Rev. Yaw Win Aung Methodist Upper
* Rev. Herberta EFC ( Rev. Lal Than Lian fapa)
* * *
Thuthang
Laitlang Falam College Sak ding:
Hmailam caan sau hrang ruahsannak fektak neiin “I Love Myanmar” (Dr. Sapte) ih hmainornak thawn Falam ih Colloge/University saksuak leh a si theinak ding hrangah thlacamnak le tuannak thawn zuam rero a si. A saknak ding hrangah US$ 200,000 hrawng a tul ding. Thlacamnak thawn bawm cio uhsi!
Taunkyi computer tlawng a cim:
Taunkyi computer tlawng a cim:
July 23, 2010, Tlawngkai Ninga, Myanmar Time 6:00 a.m ah Kawlram, Shan State ih khawpi, Taungkyi ih Computer Tlawnginn pi cu a cim. Ziangruangah a cim ti an zingzoi riro, a netabik ih an zummi cu Cumi Tlawnginn pi ih a tang hi ti dai lam zin a si ruangh a si ding an ti. Tlawng a phuan saal zik fawn ih ziang tin tuah ding tih an thei thei hrih lo.
FALAM - RIH ZIN :
FALAM - RIH ZIN :
Pu Khuang Luai le Dr. Sap Nei Thang ih tuanvo laknak in Rih-Falam zin cu tukum sungah laih thawk thei dingin zuam rero a si. Thlacamnak thawn kan tanpi cio pei.
English Ka Zir So Daan
Dr. Run Bik
Pathian zangfahnak in high school thazet ah ka rak kai thei. Cu cu Mandalay i Roman Catholic tlawng St.Peter’s High school a si. Burma ram ah a tikcu lai ahcun High School thabik 10 lak ih tel mi a si. Tlawng thazet ka ti nan tulai ih India le Mizoram ih Englsih medium school pawl thawi thim cun India ih tlawng pawl cu a tluk lo, ziangahtile khalai ih Ne Win Acozah ih Kawl ca hlir a uar ter ruangah a si. Curuangah phun 4 tiang cu Englsih medium asina’n phun 5 in phun 8 kum 4 sung cu Englsih Reader pakhat ti lo cu kan tlawng ah Burmese lawng in kan zir thluh. Mizoram vekin all subject Englsih ih rak zir si sehla cu ka nauhaklai ihsin Englisih ka rak thiam nasa ke.
Cule duh vek ih nauhak lai ihsni English ka rak thiam lonak cu English hrimhrim ah ka thinlung a um lo. Grammer zir ka paih lo ih, theih kauhnak duh ruangih English cabu siar tam lawngah ka rak cang. High school lai ihsin grammer thiam rak tum sehla cu Englsih ka rak thiam tuanzet ding. Grammer lam ka rak ngaihsak lo zia tla cu degree ka lakih ka Graduate hnu kum 3 lai a rei hnu Khuangli ih middle school head kumkhat te ka tuan lawngah past tense, past perfect ti vek tla hi ka thlei dang thiam. Mandalay i tlawng ka kai lai khalah English in cabu le Thuthangca (newspaper) cu ka rak siar tam nasa. Phun 8 kan kailai ah kei hnakih ca thiam deuh Maung Maung Gi (leh hnu ah sibawi doctor a run tuan) in na knowledge tamtuk hi na thluak ah a tlem maw si i ti theu.
hungli ih ka umlai ahkhan hiti vekin Lai khawte ah ka um paih ringring lo ding ih, Mizoram ih ka hlawh-awk a tul leh ding, cu tik ahcun English ka thiam lo cun a cang thei ual lo ka ti ih, cumi ihsin theih kauhnak ding ih ka ca siar pawl tla ka cawl thluh, English grammer ka zir thawk. Grammer ka zir hlan, Khuangli ih ka cabu siar mi pakhat cu The War Business timi a si. Khuangli ahcun electric meisa a um lo ih, khawn var te thawn, thlatang khawsik lai khalah zaanlai sim pipi tiang in English grammer ka zoh ciam co.
High school ka zirlai Falam kan inn ih ka retmi phun 5 hrawng ih grammer cabu pawl ihsin ka thok ciamco. Kum khat ka um hnu Tahan ah ka vai, English le Mizo tong zir a tul ruangah Tawngphila ah inn ka sang ih, Tahan ih Pu Sang Ci pai’ inn-khaan pakhat cu English tuition simnak dingah ka sang, English ka zirh phah. Mizo tong zir a tul fawn i Tahan ah zaan tampi cu ka leng ve ko. Atu laifang Aizawl ih Mizo history ngan thiam Tahan ihsi vai Pu B.Lal Thangliana ih farnu Lalhming mawii (In thihsan zo) ih tong midang pawl ih in simsin mi cu “U Runa zawng keini ho min hmangaih vang a rawn leng pawh a ni hlei nem, Mizo tawng thiam duh vang mai mai a rawn leng alawm” ti’n a ti ta. Himi tum khalah Tawngphilla veng ah English grammer pawl ka tikcu neih hmuahhmuah in ka zoh zawk rero.
* * *
MI TAMPI NA SI THEI!
Duhdawtmi casiartu, Nangmah cu mi pakhat (a person) lawng na si vekin hmun pakhat (only in one perticular place)lawngah na um thei nan, mi pakhat hnak ih tam vekin karhzai awkter daan a um. Cutiih na tuah asile mi tampi vek na si thei ding.
A fiangdeuhnak dingah, Khual tlawng mi si bangla, Yangon ihsin Kalay -Tahan, Falam, Aizawl, Culcutta lam na feh ahcun cu lam ih thil um mi na hmu ding. Bangkok, Malaysia, Singapore, Korea na feh ahcun cuvek thotho a si ding. Cun tlawngkai cazir si bangla geography, philosophy, history, chemistry, botany, psychology, zoology, theology, tivek pawl pakhat na major line cu tawkfang na thei ding. A dang hmuahhmuah cu na thei theh lo ding. Asinan a tlun ih khualtlawng-khua hmu kau deuh pawl ih hmuhtonmi, theihmi, cazir pawl ih theihmi le thiammi thu cu: an hnenah tel theh lo hman la, na umnak ihsin na rak thei ve theinak cu: an sim, an rel, an ngan mi siar le ngainak in a si.
Tahthimnak ah magazine pakhat na siar ahcun a sungih cahram ngantu mifim, mi thiam, thuthei, saya/ma mi 30-50 tluk thawn pawlkom aw rero vek na si. Curuangah, na siar thiammi ca ih suahmi cabu le magazine cu tikcu caan, a man na pek thei zat ih tam siar zuam aw, na sir aw lo ding. Casiarnak in thu hla a phunphun kan thei thei. Ziang hnatuan kan si khal le casiar mi, ca siar miphun, si kan zuam pei. Thlarau thazaang cahnak tiang hman ca siarnak in ngah thei a si.
Hmun remcangzet ah to aw la, rilrawng tuk lo, pumpuar tuk loin, lung thiang te’n, awn-ai ruri um tuk lonak ah casiar aw. Mifim, mithiam, mitha, thuthei tampi thawn thuruat tlang rero na si ding.
A fiangdeuhnak dingah, Khual tlawng mi si bangla, Yangon ihsin Kalay -Tahan, Falam, Aizawl, Culcutta lam na feh ahcun cu lam ih thil um mi na hmu ding. Bangkok, Malaysia, Singapore, Korea na feh ahcun cuvek thotho a si ding. Cun tlawngkai cazir si bangla geography, philosophy, history, chemistry, botany, psychology, zoology, theology, tivek pawl pakhat na major line cu tawkfang na thei ding. A dang hmuahhmuah cu na thei theh lo ding. Asinan a tlun ih khualtlawng-khua hmu kau deuh pawl ih hmuhtonmi, theihmi, cazir pawl ih theihmi le thiammi thu cu: an hnenah tel theh lo hman la, na umnak ihsin na rak thei ve theinak cu: an sim, an rel, an ngan mi siar le ngainak in a si.
Tahthimnak ah magazine pakhat na siar ahcun a sungih cahram ngantu mifim, mi thiam, thuthei, saya/ma mi 30-50 tluk thawn pawlkom aw rero vek na si. Curuangah, na siar thiammi ca ih suahmi cabu le magazine cu tikcu caan, a man na pek thei zat ih tam siar zuam aw, na sir aw lo ding. Casiarnak in thu hla a phunphun kan thei thei. Ziang hnatuan kan si khal le casiar mi, ca siar miphun, si kan zuam pei. Thlarau thazaang cahnak tiang hman ca siarnak in ngah thei a si.
Hmun remcangzet ah to aw la, rilrawng tuk lo, pumpuar tuk loin, lung thiang te’n, awn-ai ruri um tuk lonak ah casiar aw. Mifim, mithiam, mitha, thuthei tampi thawn thuruat tlang rero na si ding.
by: Dr. Lal Nei Kam (Yangon)
***
KAWHHRAN NUNG LE THI THEIH DAAN
Anungmi kawhhran ahcun member pawl in Biakinn ah Baibal an keng lut ih, tangkaizet in an hmang theu. Kawhhran thi ah cuvek a um tuk lo.
Anungmi kawhhran cu Thlacam le lungawi thawm a thang.
Anungmi kawhhran ahcun member pawl in Biakinn ah Baibal an keng lut ih, tangkaizet in an hmang theu. Kawhhran thi ah cuvek a um tuk lo.
Anungmi kawhhran cu Thlacam le lungawi thawm a thang.
Kawhhran thi Biak-Inn cu a reh thepthep.
Anungmi kawhhran cu an Biak-Inn kauh bet daan ding an ruat ih,
Anungmi kawhhran cu an Biak-Inn kauh bet daan ding an ruat ih,
Kawhhran Thi cun cuvek an tul lo.
Anungmi Kawhhran cu Zumnak in ke an kar ih,
Anungmi Kawhhran cu Zumnak in ke an kar ih,
Kawhhran Thi cun an hmuh tawk ah bawkvak in an feh theu.
Anungmi Kawhhran ah nauhak le mino an tam ih, bu a hlum.
Anungmi Kawhhran ah nauhak le mino an tam ih, bu a hlum.
Kawhhran Thi cu Thlan vekin a reh.
Anung mi Kawhhran cu member pawl ngaipawimawh ih,
Anung mi Kawhhran cu member pawl ngaipawimawh ih,
Kawhhran Thi cun harsatnak a thei tam theu.
Anungmi Kawhhran cu duhdawt aw in, an ngaina ton aw ih,
Anungmi Kawhhran cu duhdawt aw in, an ngaina ton aw ih,
Kawhhran Thi ahcun rinhlehnak le ik-siknak a pung.
Anungmi Kawhhran cun Thuthangtha sim le pek-aw ding lam
Anungmi Kawhhran cun Thuthangtha sim le pek-aw ding lam
an ruat tam ih, Kawhhran Thi cun an ruahsannak malte lawng an ngah theu.
Anungmi Kawhhran ahcun Pathian hrang pumpek-aw an tam ih,
Anungmi Kawhhran ahcun Pathian hrang pumpek-aw an tam ih,
Kawhhran Thi cun Pathian hnenah laksawng an pek theu.
Anungmi Kawhhran cu a thang sinsin ih,
Anungmi Kawhhran cu a thang sinsin ih,
Kawhhran Thi cu a ziam deuh deuh.
Unau,nang le kei teh a ziang sawn ah saw kan um?
* * *
Than Swe New Delhi ah
Unau,nang le kei teh a ziang sawn ah saw kan um?
* * *
Than Swe New Delhi ah
Burma ram hotu bik Senior General Than Shwe cu kan dung Sunday 25th.July ‘10 ahkhan ni 4 cam dingin India a ra tlawng. Than Shwe hi a hmasabik ah Bihar ih Boda Gaya ih Bhuddist hotu pa hmun ah a feh hmaisa. Cumi hnu ah July 26, 2010 tlai ah Delhi ah a ra. Than Shwe India a rat neta bik cu 2004 ah a si ih, khalai ih Prime Minister Khin Nyunt thawng an tlak hnu te ah a si. Burma ram hotubik committee hi State Peace and Development Committee (SPDC) ti ih koh a si ih, cutawk ahcun Than Shwe hi chairman a si.
1988 hnu ih ralkap ih thuneihnak an lak hnu ah an committee sangbik cu State Law and Order Restoration Committee (SLORC) an ti ih, hi hmin cu a tihnung uk aw an ti ruangah SPDC in an run thleng a si. Than Shwe Delhi a thlen hlan deuhte ah Delhi ih Burma mi pawl cun Than Shwe duh lo-nak Janta Mantar timi Delhi khawlai ah pumkhawm in au-nak (sandah piahnak)an rak nei. Hitawk ah hin bus 6 in mi 300 lai an feh a si.
Than Shwe hi Delhi ah Prime Minister Man Mohan Singh tla a tong ih, Burma le India Economic lam ih tuantlangnak thu tla an rel. Ven himnak lam thu ah ramri ih raal pawl zo khal ih bom lo ding tiin an ti aw.
Rihli ihsin Teddim feh tlangnak A motor zin India in $million 60 in A laihsak a tum thu tla an puang. Indai uktu party ih party president (tu fang ih India ih thuneitubik ) Sonia Gandhi cu a nu (Italy mi)a dam lo ruangah USA A0 ih sizung ah a nu a thlun ih Sonia hin Than Shwe a tong ta lo. Sonia ih fapa Rahul le a fanu Priyanka tla an pi veh dingin USA ah an feh.
India ih company tumzet TATA in Burma ah truck motor tuahnak ding cet zungpi saksak a tum ruangah Thawn Shwe hin Jamshedpur ih TATA hmunpi tla a va zoh ve ta. ...
* * *
O
u
r
Daily Bread
in
a
ti
!
u
r
Daily Bread
in
a
ti
!
* Midang na bawm asile na riahsiatnak le na ninghannak a dam ding.
* Thlacam tul lo ni a um dah lo.
* Kan theih tulmi hmuahhmuah Baibal sungah a um ttheh.
* Thlacam tul lo ni a um dah lo.
* Kan theih tulmi hmuahhmuah Baibal sungah a um ttheh.
Curuangah Pathian in fialmi hmuahhmuah kan tuah thei thluh.
* Jesuh (Lungpi) cu a hmunmi kan ruahsannak a si.
* Kan thlacam tinte'n kan telh dingmi cu,
* Jesuh (Lungpi) cu a hmunmi kan ruahsannak a si.
* Kan thlacam tinte'n kan telh dingmi cu,
"Bawipa na duhnak vekin si seh."
* Pathian hmin in Mi kan neh theinak dingah
* Pathian hmin in Mi kan neh theinak dingah
Mi hrangah thlacam sak kan tul.
* Sualnak ruangah tihnak a ra.
Zumnak ruangah ralthatnak a ra.
* Pathian Thu cu zumtlak a si ruangah
Rundamnak cu a hmun.
* Rundamnak cu a lak ih ngahmi Laksawng a si.
* Sualnak ruangah tihnak a ra.
Zumnak ruangah ralthatnak a ra.
* Pathian Thu cu zumtlak a si ruangah
Rundamnak cu a hmun.
* Rundamnak cu a lak ih ngahmi Laksawng a si.
Kan ngah leh dingmi tumtahnak a si lo.
* Thinbangnak in hmailam hrang thatnak a tuah lo.
* Thinbangnak in hmailam hrang thatnak a tuah lo.
Kan tumtahnak a siatsuah sawn.
* Kan tonmi Sualforhnak le thlemnak,
hrial theinak ding lamzin pakhat cu
Bawipa lawngah ruahsannak bun hi a si,
* * *
Delhi ih um Kawhhran
le
-----Fellowship ----
Tui thla ihsin Delhi ih Fellowship le Kawhhran thuhla tete kan ngan phah tum thlang. New Delhi ah fellowship le Kawhhran 24 lenglo kan um.
BCA ah sungtel 174 leng an um. BCA Youth pawl cu tu thla ihsin thokin thlahnih veikhat fellowship an nei ding ruangah kawhhran tinkim ih mino pawl tel thei ve dingin sawm theh a si.
Jeevan Park ih LCC Biakinn cu a reihlan ah a kiang naite thotho ih an tthawn tum thu in sim. LCC ah member 450 leng an um ih CCF ah member 400 hnak ih tam an um thu khal kan dong bet.
Kan unau Matu kawhhran MCF ah member 700 leng an um ih DMCF ah member 300 hnak ih tam an um. ZCF ah innkhi 80 lai an kim thei ih member tuni tiangah 368 an si. Kawhhran dang le Fellowship dang pawl cu hmaitum ah kan bet leh ding.
DBCF Meifar Neitu: DBCF (Y)
Editor: Salai Thian Za Thang
Bawmtu: Salai Ukte
Advisor: Dr. Run Bik le Steven Ral Kap Tluang
Pehtlaihnak
91-9910293229
E-Mail: dbcfmeifar@gmail.com
Blog: dbcfmeifar.blogspot.com
Editor: Salai Thian Za Thang
Bawmtu: Salai Ukte
Advisor: Dr. Run Bik le Steven Ral Kap Tluang
Pehtlaihnak
91-9910293229
E-Mail: dbcfmeifar@gmail.com
Blog: dbcfmeifar.blogspot.com
A siartu nan zate parah kan lungawi
* * *
